‘पाइलट रोहिन जंग शाह’को जालमा यसरी फसे महिला

काठमाडौं, ३ भदौ ।
आफुलाई पाइलट बताउँदै युवतीहरुसँग नजिकएर ठगी गर्दै आएका एक युवक पक्राउ परेका छन् । रोहिन जंग शाहको नाममा फेसबुक चलाई आफु नेपाल एयरलाइन्सको पाइलट भनेर युवतीहरुसँग नजिकिने र ठगी गर्ने कागेश्वर मनहरा–८ बस्ने रबिन सुनुवारलाई प्रहरीले पक्राउ गरेको हो ।

उनले विभिन्न महिलाहरको ११ तोला गहना र दुई वटा मोबाइल ठगी गरेको प्रहरीले जनाएको छ । मकवानपुर घर भएका सुनुवारले कतिपय महिलाहरुलाई बिहेको आश्वासमा समेत ठगी गरेका थिए । केहीको सुन समेत उनले लुटेको काठमाडौं प्रहरीका एसपी सोमेन्द्रसिंह राठौरले बताए ।