गगन थापा, अर्जुननरसिंह केसीसहित ५० कांग्रेस नेतालाई कोरोना संक्रमण

काठमाडौं, १७असोज ।
कांग्रेस नेताहरु गगन थापा, अर्जुननरसिंह केसीलाई शनिबार कोरोना संक्रमण पुष्टि भएको छ । पार्टीको केन्द्रीय समिती बैठकअघि सबैको परीक्षण गरिएकोमा उनीहरुको पोजेटिभ रिपोर्ट आएको हो ।

कांग्रेसका करिब ५० जनाको पोजेटिभ रिपोर्ट आएको स्रोत बताउँछ । सोमबारदेखि हुन लागेको बैठकका लागि दुई सय ७० नेताको कोरोना परीक्षण भएको थियो । धेरैमा संक्रमण देखिएपछि बैठक समेत प्रभावित हुने भएको छ ।