काठमाडौं, १८ असोज ।
कोरोना भाइरसको उद्गम देश चीनलाई नेपालले संक्रमितको संख्यामा उछिनेको छ । नेपालमा आइतबार कुल संक्रमितको संख्या ८६ हजार ८ सय २३ जना पुगेका छन् । जबकी चीनमा ८५ हजार ४ सय ५० जनामा मात्र सक्रमण भएको छ ।
पछिल्लो २४ घन्टामा नेपालमा दुई हजार दुई सय ५३ जना सक्रमित थपिएका छन् । नेपालमा ६४ हजार ६९ जना निको भएका छन् ।
संक्रमण तिव्र गतिमा बढेसँगै नेपाल विश्वकै सर्वाधिक प्रभावित देशको सूचिमा माथि उक्लदै गएको छ । आइतबार नेपालले चीन र जापानलाई टपेर ४४ औं स्थानमा पुगेको छ ।
संक्रमण दर बढेपनि नेपालमा मृत्यु भने तुलनात्मक रुपमा कम छ । चीनमा ८५ हजारलाई सक्रमण हूँदा ४६३४ जनाको मृत्यु भएको थियो । नेपालमा हालसम्म ५ सय ३५ जनाको मृत्यु भएको छ ।
