स्वयम्भुको जुवा खालबाट पूर्व राज्यमन्त्रीसहित १० पक्राउ

काठमाडौं, १६ कात्तिक ।
स्वयम्भुको एक जुवाखालबाट पूर्व मन्त्री खोभारी रायसहित १० जना पक्राउ परेका छन् । म्यारिज खेलिरहेको अवस्थामा उनीहरुलाई स्वम्भु प्रहरीले पक्राउ गरेको हो । रायको साथबाट १० हजार रुपैयाँ प्रहरीले बरामद गरेको छ ।

खालबाट एक लाख ५३ हजार पाँच सय र ६ बुक तास प्रहरीले बरामद गरेको छ । भाडामा लिइएको फ्लाटमा नियमित रुपमा जुवा खेलाइने गरेको सूचनाका आधारमा प्रहरीले छापा हान्दा रायसहित १० जना पक्राउ परेका हुन् ।
भोजपुरका पर्वत भण्डारीले त्यहाँ जुवा खेलाउँदै आएका थिए । भण्डारी पनि पक्राउ परेका छन् ।