काठमाडौं, १६ कात्तिक ।
प्रहरी नायब निरीक्षक(सई) ५० हजार घुससहित पक्राउ परेका छन् । सप्तरीको इलाका प्रहरी कार्यालय तिलाठीमा कार्यरत सिकन्दर प्रसाद कानुलार्ई अख्तियार दुरुपयोग अनुसन्धान आयोग, बर्दिबासको टोलीले पक्राउ गरेको हो ।
नियन्त्रणमा लिइएको मोटरसाइकल फिर्ता गर्न उनले घुस मागेका थिए । जवानमार्फत उनले घुस लिएको आयोगले जनाएको छ । जवान रामेश्वर मण्डल तथा स्थानीय व्यापारी जयनारायण मण्डललाई पनि आयोगले पक्राउ गरेको छ ।
