नेपालमा कोराना संक्रमितको संख्या दुई लाख पुग्यो

काठमाडौं, २६ कात्तिक ।
नेपालमा हालसम्म कोरोना संक्रमितको संख्या २ लाख नाघेको छ। पछिल्लो २४ घण्टामा देशभर २ हजार ५ सय ६९ जना संक्रमित थपिएपछि कुल संक्रमितको संख्या २ लाख ३ हजार २९ पुगेको हो।

स्वास्थ्य तथा जनसंख्या मन्त्रालयका अनुसार आज देशभर १ हजार ६६६ जना संक्रमणमुक्त भएका छन्। योसँगै हालसम्म १ लाख ६२ हजार २४३ जना निको भएका छन्। देशभर ३८ हजार ९१२ जना उपचार गराइरहेका छन् । पछिल्लो २४ घन्टामा २६ जना संक्रमितको मृत्यु भएको छ। योसँगै मृत्यु हुने संक्रमितको संख्या ११७४ पुगेको छ।