काठमाडौं, २५ मंसिर । पाकिस्तानका लागि नेपालको नवनियुक्त राजदूत तापस अधिकारीले पदभार ग्रहण गर्नुपुर्व पाकिस्तानी विदेशसचिव सोहेल महमूदसँग इस्लामाबादमा भेटवार्ता गरेको पाकिस्तानी विदेशमन्त्रालयले जनाएको छ । मन्त्रालयले ट्विटरमार्फत सो जानकारी दिएको हो ।
महमूदले अधिकारीसँग भएको भेटमा नेपाल–पाकिस्तानबीच रहिआएको बहुमुखी सम्बन्धको चर्चागर्दै यो सम्बन्धलाई अझ बलियो पार्नुपर्नेमा जोड दिए । उनले भने, ‘हामी नेपालले सार्कको अध्यक्ष तथा आतिथ्य मुलुकको नाताले सार्कलाई अघि बढाउन चालेको कदमलाई सराहना गर्दछौँ ।’
