काठमाडौं । सिटी एक्स्प्रेस मनी ट्रान्सफर र दुबईस्थित अलफर्दान एक्सचेन्जको संयुक्त सहकार्यमा आयोजना गरिएको ‘दशैँ तिहार बम्पर धमाका’ अन्तर्गत दीपकराम टमाटाले रु २ लाख जित्न सफल भएका छन् । सो योजनाअन्तर्गत दुबईको अलफर्दान एक्सचेन्जबाट सिटी एक्सप्रेसमार्फत पैसा पठाउँदा दोस्रो बिजेता स्वरूप रु २ लाख जित्न सफल भएका हुन् ।
यस योजनामा बिजेता छनोट लक्की ड्रमार्फत गरिएको थियो । जसअन्तर्गत सिटी एक्स्प्रेसबाट पैसा पठाएर ८ जनाले कलरटिभी, ४ जनाले माइक्रोवेभ ओभन, ४ जनाले ब्लेन्डर, ५ जनाले राइसकुकरलगायत ६ जनाले इलेक्ट्रिक केट्टलजस्ता घरेलु उपकरण जित्न सफल भएका छन् ।
सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउँदै विगत १४ वर्षदेखि संसारभरबाट विप्रेषण सेवा प्रदान गर्दै आइरहेको छ । आन्तरिक विप्रेषणअन्तर्गत सिटी एक्सप्रेसका देशभर छरिएर रहेका १० हजारभन्दा बढी भुक्तानी केन्द्रमार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिनेजस्ता सुविधा प्रदान गर्दै आइरहेको छ ।
