इस्लामावाद, १९ पुस (एजेन्सी) । पाकिस्तानको बलुचिस्तान प्रान्तमा भएको गोलीकाण्डमा कम्तीमा ११ मजदुरको मृत्यु भएको छ । कोइलाखानीमा भएको सो घटनामा परी त्यहीँ कार्यरत मजदुरहरुको मृत्यु भएको बताइएको छ भने अरु तीन जना घाइते भएका छन् ।
बोलान जिल्लामा शनिबार गोलीकाण्ड भएको अधिकारीहरुले आइतबार जानकारी दिएका छन् । मजदुरहरुलाई अपरिचित लडाकूहरुले गोली प्रहार गरेको बोलानका उप–आयुक्त मुराद कासीले बताए ।
घटनामा परी घाइते भएका मजदुरहरुलाई स्थानीय अस्पतालमा उपचार गराइएको छ । उनीहरुको अवस्थाका बारेमा जानकारी गराइएको छैन । घटनाका बारेमा अनुसन्धान भइरहेको र अहिलेसम्म कसैले आफ्नो संलग्नताको जिम्मेबारी पनि नलिएको अधिकारहिरुले जनाएका छन् ।
