परराष्ट्रमन्त्री ज्ञवाली र भारतीय रक्षामन्त्री सिंहबीच भेटवार्ता

काठमाडौं, ३ माघ । भारतीय रक्षामन्त्री राजनाथ सिंहले नेपाल–भारतको सम्बन्धसँग असीमित सम्भावना रहेको ताएका छन् ।
भारत भ्रमणमा रहेका परराष्ट्रमन्त्री प्रदीपकुमार ज्ञवालीसँगको भेटपछि रक्षामन्त्री सिंहले नेपाल–भारतको सम्बन्धबारे व्याख्या गरेका हुन् । परराष्ट्रमन्त्री ज्ञवालीसँगको भेटपछि ट्वीट गर्दै भारतीय रक्षामन्त्री सिंहले भने, ‘भारत–नेपालको सम्बन्ध सरकारमा मात्रै सीमित छैन । यो सम्बन्ध दुई देशका नागरिकबाट सञ्चालित छ। भारत–नेपाल सम्बन्धले असीमित सम्भावना दिनेछ।’

परराष्ट्रमन्त्री ज्ञवालीसँगको भेटलाई भारतीय रक्षामन्त्री सिंहले विशेष भनेका छन् । नयाँदिल्लीको अकबर रोडस्थित भारतीय रक्षामन्त्री सिंहको निवासमा भेटवार्ता भएको थियो । मन्त्री ज्ञवाली आजै स्वदेश फर्कदै छन् । स्वदेश फर्किनुअघि परराष्ट्रमन्त्री ज्ञवालीले भारतीय प्रधानमन्त्री नरेन्द्र मोदीसँग पनि भेट्ने प्रयास गरिरहेको बताइएको छ ।

Had a wonderful meeting with the Foreign Minister of Nepal, Shri @PradeepgyawaliK today. India’s relations with Nepal are not limited to governments in both the countries but it is driven by the people of the both the nations. India-Nepal relations offer limitless potential. pic.twitter.com/zFAMsz1Isz

— Rajnath Singh (@rajnathsingh) January 16, 2021