प्रदेश १ मा कांग्रेस संसदीय दलको बैठक सुरु, नेकपाको बैठक पनि बस्दै

विराटनगर, ६ माघ । प्रदेश नम्बर–१ मा प्रमुख विपक्षी दल नेपाली कांग्रेसको संसदीय दलको बैठक सुरु भएको छ । कांग्रेसको बैठक प्रदेशसभा सचिवालयमा सुरु भएको हो ।

प्रमुख सचेतक केदार कार्कीका अनुसार बैठकमा सरकारविरुद्ध परेको अविश्वासको प्रस्ताव र संसद्को हिउँदे अधिवेशनको पूर्वसन्ध्यामा सरकारमा सामेल हुने/नहुने अथवा तटस्थ बस्ने भन्नेबारे छलफल हुनेछ ।

यस्तै आज विराटनगरमा नेपाल कम्युनिस्ट पार्टी (नेकपा)को संसदीय दलको बैठक पनि बस्दैछ । होटल एसिया टिकमा बस्दै बस्ने बताईएको छ । नेकपा ओली समूह दलको बैठक भने भोलि बस्ने जनाईएको छ । प्रदेश–१ को प्रदेशसभा बैठक भने बुधबारबाट सुरु हुने भएको छ ।