काठमाडौं, ७ माघ । धनीलाई थाहै नदिई जग्गा बिक्री गर्ने कार्यमा संलग्न दुई जनालाई काठमार्डौं प्रहरी परिसरले पक्राउ गरेको छ । पक्राउ पनेर्मा मालपोत कार्यालय कलंकीका नासु नारायण श्रेष्ठ र तत्कालीन शाखा अधिकृत दीपक दाहाल छन् ।
उनीहरुले सामाखुसीको जग्गा नक्कली जग्गाधनी खडा गरेर बिक्री गरेको पाइएपछि पक्राउ गरिएको काठमाडौं परिसर प्रमुख एसएसपी अशोक सिंहले जानकारी दिए । बास्तविक जग्गाधनी विदेशमा रहेको बखत उनीहरुले नक्कली जग्गाधनी खडा गरेर जग्गा बेचेको खुलेको छ ।
श्रेष्ठ कार्यालयबाटै र दाहाल विमानस्थलबाट पक्राउ परेका हुन् । यसबारे थप अनुसन्धान अगाडि बढाइएको एसएसपी सिंहले बताएका छन् । प्रहरीका अनुसार मालपोतमै कार्यरत दाहाल केहीअघि मात्रै उद्योग मन्त्रालयमा सरुवा भएका थिए ।
