काठमाडौं, १० माघ ।
उपत्यकाका भएका तीन दुर्घटनामा तीन जनाको मृत्यु भएको छ । काठमाडौं, ललितपुर र भक्तपुरमा दुर्घटना भएको हो ।
काठमाडौं महानगरपालिका– ३२ सुविधानगरमा भे.१० प २६०३ नम्बरको मोटरसाइकल अनियन्त्रित भई शुक्रबार राति दुर्घटना हुँदा चालक बाँके कोहलपुर नगरपालिका(२ घर भएका २२ वर्षीय साहिल बम खत्रीको मृत्यु भएको छ । दुर्घटनामा गम्भीर घाइते भएका उनको सिभिल अस्पतालमा उपचारको क्रममा मृत्यु भएको हो ।
मध्यपुर ठिमी नगरपालिका ४ नयाँ ठिमीमा बा.६५ प ४६१० नम्बरको स्कुटर शुक्रबार राति दुर्घटना हुँदा चालक दोलखा सुनखानी ६ घर भएका २१ वर्षीय राज कुमार शिवाकोटीको मृत्यु भएको छ । दुर्घटनामा गम्भीर घाइते भएका उनको नागरिक अस्पताल गठ्ठाघरमा उपचारको क्रममा मृत्यु भएको हो ।
गोदावरी नगरपालिका ६ स्थित सडकमा प्र.३ ०१ ००३ क ५३२१ नम्बरको लोडर अनियन्त्रित भई सडकबाट अन्दाजी १० मिटर तल खसेर गएराति दुर्घटना हुँदा चालक सोही नगरपालिका ६ नल्लु बस्ने मकवानपुर हेटौंडा गढी नगरपालिका ५ घर भएका ३० बर्षीय विकाश दर्नाल र सहचालक सिन्धुपाल्चोक घर भएका २३ वर्षीय राज कार्कीको मृत्यु भएको छ । दुर्घटनामा गम्भीर घाइते भएका उनीहरूको उपचारको लागि पाटन अस्पताल लगनखेलतर्फ लैजाने क्रममा बाटोमै मृत्यु भएको हो ।
