काठमाडौं, १४ माघ । सशस्त्र प्रहरीले काठमाडौंको लैनचौरबाट कटुवा पेस्तोलसहित एकजना पक्राउ गरेको छ । बुधबार सिन्धुपाल्चोकको भोटेचौर घर भई सामाखुसी टाउन प्लानिङ बस्ने २८ वर्षीय कृष्ण चौलागाईंलाई पक्राउ गरेको हो ।
उनको साथबाट एकथान नलकटुवा पेस्तोल र एक थान गोली बरामद भएको छ । सशस्त्र प्रहरीको इन्टेलिजेन्स ब्युरोले विशेष सूचनाको आधारमा उनलाई नियन्त्रणमा लिएर थप अनुसन्धानका लागि नेपाल प्रहरी समक्ष बुझाएको सशस्त्र प्रहरीले जनाएको छ ।
