कञ्चनपुर, १९ माघ । कञ्चनपुरमा चरेशसहित दुई जना पक्राउ परेका छन् । प्रहरीले बेदकोट नगरपालिका–९ का सुरेन्द्रराम लुहार र गोपाल चन्दलाई चरेश सहित पक्राउ गरेको हो ।
पक्राउ परेकामध्ये सुरेन्द्ररामबाट तीन दशमलव १८० मिलिग्राम र गोपालबाट १० दशमलव ८६० मिलिग्राम चरेश बरामद गरिएको छ ।
चरेशको कारोवार भइरहेको सूचनाको आधारमा खानतलासी गर्दा आइतबार दुबैलाई चरेशसहित पक्राउ गरिएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापाले बताए ।
