काठमाडौं । नेपाल इन्भेष्टमेण्ट बैंक लिमिटेड (एनआईबीएल) ले निर्मल पूर्जाको नेतृत्वमा १० नेपाली हिम आरोहीहरूको टोलीले विश्वको दोस्रो उच्च हिमाली पहाडी केटूको शिखरमा पुग्ने पहिलो स्थानमा नयाँ विश्व कीर्तिमान स्थापित गर्ने नेपाली टोलीलाई कार्यालय परिसरमा एक कार्यक्रम आयोजना गरी नेपाली टोलीलाई सम्मान गरेको छ ।
माघ ३ गते शनिबार स्थानीय समय साँझ ५ बजे हासिल गरे । ‘क्रुरता हिमाल’ उपनाम दिएका, केटूलाई विजयको लागि सबैभन्दा कठोर हिमालको रूपमा मानिन्छ र जाडोमा लगभग असम्भव मानिन्छ । सीएसआर रणनीति अनुरूप बैंकका अध्यक्ष पृथ्वीबहादुर पाँडे, बोर्डका सदस्यहरू र वरिष्ठ व्यवस्थापकहरूले १० नेपाली आरोहीहरूको सम्मानमा कार्यक्रम आयोजना गरी उनीहरूलाई रु १० लाखको चेक प्रदान गरेका छन् । नेपाललाई गौरवान्वित तुल्याउने टोलीलाई बैंकले धन्यवाद दिँदै आशा गरेको छ कि यो योगदानले अझ शानदार विजयका लागि प्रेरणाको काम गर्नेछ ।
नेपाल इन्भेष्टमेण्ट बैंकले ८३ शाखा, १२८ एटीएम, २० एक्सटेन्सन काउन्टरहरू, १० राजस्व संकलन काउन्टरहरू र ५९ शाखारहित बैंकिङ काउन्टरहरूमार्फत् आफ्ना ग्राहकहरूलाई सेवा पु¥याउँदै आएको छ । पाँच पटकसम्म फाइनान्सियल टाइम्सबाट ‘बैंक अफ द ईयर’ अवार्ड पाइसकेको यस बैंक अन्तर्राष्ट्रिय प्रकाशन–युरोमनीबाट अनुकरणीय सेवा र व्यवसायका लागि ‘बेस्ट बैंक २०१८’ युरोमनी अवार्डबाट समेत पुरस्कृत भइसकेको छ । यसबाहेक, इक्रा नेपाल (अन्तर्राष्ट्रिय क्रेडिट रेटिङ एजेन्सी–नेपाल) ले बैंकलाई ‘ए’ वर्गको क्रेडिट रेटिङ दिएको छ ।
