विश्वभर कोरोना संक्रमितको संख्या १० करोड ६५ लाख नाघ्यो

काठमाडौं, २९ माघ । विश्वभर कोरोना भाईरस संक्रमितको संख्या १० करोड ६५ लाख नाघेको छ । हालसम्म विश्वमा १० करोड ६५ लाख ५५ हजार २०६ जनामा कोरोना संक्रमण भइसकेको विश्व स्वास्थ्य संगठनको तथ्यांकमा उल्लेख छ ।

विश्व स्वास्थ्य संगठनको तथ्यांक अनुसार पछिल्लो २४ घण्टामा ३ लाख ३४ हजार ६४८ कोरोना संक्रमित थपिएका छन् । कोरोना संक्रमणका कारण विश्वमा मृत्यु हुनेको संख्या २३ लाख ३३ हजार ४४६ पुगेको छ । त्यस्तै, पछिल्लो २४ घण्टामा कोरोनाका कारण १० हजार ७०२ जनाको मृत्यु भएको छ ।