काठमाडौं । देशकै एक अग्रणी सिमेन्ट उद्योग शिवम सिमेन्ट्स लिमिटेडले मकवानपुर क्षेत्रका विभिन्न विद्यालयका विद्यार्थीलाई न्यानो कपडा वितरण गरेको छ । शिवम् सिमेन्ट्सले आफ्नो उद्योग सञ्चालित क्षेत्रमा आफ्नो सामाजिक उत्तरदायित्वअन्तर्गत उद्योग तथा खानी क्षेत्रका विद्यालयमा अध्ययनरत विद्यार्थीलाई न्यानो कपडा वितरण गरेको हो । श्री त्रिभुवन माध्यमिक विद्यालय हटिया, कोलखोप प्राथमिक विद्यालय बकैया तथा रुपनारायण माध्यमिक विद्यालय बुढीचौरमा अध्ययनरत ५०० भन्दा बढी विद्यार्थीका लागि स्वीटर तथा ट्याकसुट वितरण गरेको हो ।
“विगतका दिनमा पनि हामीले उद्योग सञ्चालित क्षेत्रका विभिन्न विद्यालयमा शैक्षिक सामग्री तथा शैक्षिक छात्रबृत्ति वितरण गर्दै आइरहेका थियाँै यसै सिलसिलामा यसपटक हामीले चिसोको समयमा चिसोकै कारण विद्यार्थी नियमित पठनपाठनमा प्रभावित हुन नपरोस् भन्ने अभिभ्रायले विद्यार्थीका लागि न्यानो कपडा वितरण गरेका हौं”, कम्पनी प्रतिनिधी बताँउँछन् । शिवम् सिमेन्ट्सले विगतका दिनमा पनि आफ्नो सामाजिक उत्तरदायित्वअन्र्तगत स्वास्थ्य शिविर, विपन्न परिवारका लागि खाद्यान्न वितरण, आइसोलेसन बेड निर्माणका लागि आर्थिक सहयोग, उद्योग क्षेत्रका विभिन्न विद्यालयमा छात्रवृत्ति एम्बुलेन्स हस्तान्तरण, न्यानो कपडा वितरण, सडक निर्माण, वृक्षरोपण आदिजस्ता काम गर्दै आइरहकेको छ ।
क्वालिटीको मामलामा नो कम्प्रोमाइज भन्दै गुणस्तरीय उत्पादन तथा बिक्री वितरण गर्दै, देशको विभिन्न ठूलाठूला राष्ट्रिय गौरवका आयोजनाहरुमा आफ्नो महत्वपूर्ण भूमिका निभाउँदै आएको शिवम् सिमेन्टले हालमात्रै सिमेन्ट जगतमै पहिलोपटक नापतौल तथा गुणस्तर विभागबाट प्रदान गरिने एनएस क्वालिटी अवार्ड २०१९ बाट पुरस्कृत हुन सफल भएको छ । ओपिसी सिमेन्ट मात्र उत्पादन गर्दै आएको शिवम् गुणस्तरप्य एवम् उत्कृष्ट उत्पादन हो ।
“गुणस्तरको पहिचान हो शिवम्”, “गुणस्तरमा कहिल्यै सम्झौता नगरौँ” तथा क्वालिटीको मामलामा नो कम्प्रोमाइजजस्ता मूल नाराका साथ अगाडि बढिरहेको शिवम् सिमेन्ट्सले आफ्नो गुणस्तरीय उत्पादन तथा बिक्री वितरण र बिक्रीपछिको प्राविधिक सेवाको कारणले पहिलो स्थानमा रहन सफल भएको छ । सन् २००९ मा हेटौँडामा स्थापित यस सिमेन्ट उद्योगले अत्याधुनिक जर्मन प्रविधि उक्त प्लान्टबाट आफ्नै चुनढुङ्गाको प्रयोग गरी उच्च गुणस्तरको क्लिंकर र शिवम् सिमेन्ट तथा शिवम प्लस सिमेन्ट उत्पादन तथा बिक्री वितरण गर्दै आएको छ ।
एन आइएसओ, आइएसओ, आइएसआई र युआरएस प्रमाणित तथा नेपाल गुणरुतर चिन्ह प्राप्त शिवम् सिमेन्टले देशको असहज परिस्थितिमा पनि निरन्तर सेवा तथा सुविधा दिदैँ आएको छ ।
