काठमाडौं । चिनियाँ राष्ट्रपति सि चिनफिङले भारत भ्रमण गर्ने भएका छन् । चिन-भारतबीच भएको सिमा विवाद पछिल्लो समयमा दुई देशको बीचमा तनाव साम्य भए लगत्तै चिनियाँ राष्ट्रपति सि चिनफिङले भारत भ्रमण गर्ने भएका हुन् ।
ब्राजिल, रसिया, भारत, चीन र दक्षिण अफ्रिका सम्मिलित ब्रिक्स सम्मेलनमा भाग लिने सि भारत भ्रमण गर्ने बताईएको छ । यो वर्ष सम्मेलन गर्ने पालो भारतको हो र यसमा चीनले सहमति जनाइसकेको छ ।
चिनियाँ विदेश मन्त्रालयले सो सम्मेलन आयोजना गर्न भारतलाई सहयोग गर्ने र जारी सिमा विवादले असर नगर्ने उल्लेख गरेको छ ।
