काठमाडौं । ट्याक्टर दुर्घटना हुँदा रोल्पामा एकजनाको ज्यान गएको छ । रोल्पाको रून्टीगढी गाउँपालिका-६ गातिनामा गएराति ना ७ त ६४०० नं को ट्याक्टर दुर्घटना हुँदा गातिनाका ३१ वर्षीय खगेन्द्र रानाको मृत्यु भएको हो ।
ट्याक्टरले च्यापिएर रानाको घटनास्थलमै मृत्यु भएको इलाका प्रहरी कार्यालय होलेरीका प्रहरी निरीक्षक शंकर खड्काले जानकारी दिए ।
ट्याक्टर चालक रोल्पाको मिरुल घर भई हाल दाङ देउखुरीको सिसहनियाँ बस्ने बलप्रसाद बुढामगरलाई इलाका प्रहरी कार्यालय होलेरीले नियन्त्रणमा लिएको प्रहरीले जनाएको छ ।
