काठमाडौं । आज (बिहीबार) देशको पहाडी भेगमा आंशिक बदली भई देशका बाँकी स्थानमा मौसम सामान्यतया सफा रहेको जल तथा मौसम पुर्वानुमान महाशाखाले जनाएको छ ।
दिउँसो पहाडी क्षेत्रका एक दुई स्थानमा मेघगर्जनरचट्याङसहित हल्का वर्षाको सम्भावना रहेको मौसम पूर्वानुमान महाशाखाले जारी गरेको मौसम पूर्वानुमान बुलेटिनमा उल्लेख छ ।
यस्तै राति भने सुदूरपश्चिम प्रदेशलगायत देशका पहाडी भेगमा आंशिक बदली हुनेछ भने बाँकी स्थानमा मौसम सामान्यतया सफा रहने उल्लेख छ । महाशाखाका अनुसार भोलि शुक्रबार बिहान ६ बजेसम्मका लागि चेतावनी तथा परामर्श जारी गरेको छ ।
पहाडी भूभागका एक दुई स्थानमा मेघगर्जनःचट्याङसहित हल्का वर्षाको सम्भावना रहेकाले आवश्यक सतर्कता अपनाउन हुन अनुरोध गरिएको छ ।
