काठमाडाैं । पछिल्लो २४ घण्टामा झण्डै ४५ सय कोरोना संक्रमित निको भएका छन् ।
स्वास्थ्य तथा जनसंख्या मन्त्रालयका अनुसार गत २४ घण्टामा चार हजार चार सय ४४ जना व्यक्ति निको भएका छन् । अहिलेसम्म नेपालमा तीन लाख १२ हजार १९ जना संक्रमित निको भइसकेको मन्त्रालयले जनाएको छ ।
पछिल्लो २४ घण्टामा देशभर नेपालमा ९ हजार ३१७ जनामा कोरोना पुष्टि भएको छ भने दुई सय २५ जनाको मृत्यु भएको मन्त्रालयले जनाएको छ ।
मन्त्रालयका अनुसार देशभरका प्रयोगशालामा २० हजार ३६२ जनाको पीसीआर विधि र ४२४ जनाको एन्टीजेन विधिबाट परीक्षण गर्दा ९ हजार ३१७ जनामा संक्रमण पुष्टि भएका हुन् ।
नेपालमा हालसम्म ४ हजार २२५ जनाको मृत्यु भएको छ । नयाँ संक्रमित थप भएसँगै एक लाख ६३४जना सक्रिय संक्रमित रहेका छन् । ५१७ जना व्यक्ति क्वारेन्टाइनमा छन् ।
