काठमाडौं । नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच छलफल सकिएको छ ।
दुई नेताबीचको भेटवार्तामा राष्ट्रपतिले तोकेको समय सीमाभित्र नयाँ सरकार गठनका लागि दावी पेश गर्नेबारे छलफल भएता पनि जसपा र नेकपा एमालेको माधव नेपाल समूहको निर्णय पर्खने सहमति भएको छ ।
जसपा र माधव समूह नै निर्णायक रहेकाले उनीहको निर्णयपछि मात्र थप कदम चाल्ले दुई नेताबीच कुराकानी भएको हो ।
प्रधनमन्त्री केपी शर्मा ओलीले विश्वासको मत गुमाएपछि राष्ट्रपतिले आह्वान गरेको नयाँ सरकार गठनको समय आज राती ९ बजे सकिँदैछ ।
