कोरोनाबाट थप २४६ जनाको मृत्यु, ८ हजार १७३ जना संक्रमित

काठमाडौं । गत २४ घण्टामा देशभर २४६ जना कोरोना संक्रमितको मृत्यु भएको छ । योसँगै कोरोना संक्रमित मृतकको संख्या ५ हजार ६ सय ५७ पुगेको स्वास्थ्य तथा जनसंख्या मन्त्रालयले जनाएको छ।

आज देशभर ८ हजार १७३ जना संक्रमित थपिएका छन् । मन्त्रालयका अनुसार देशभरका विभिन्न प्रयोगशालामा गरिएको पिसिआर र एन्टीजेन परीक्षणमा ८ हजार १७३ जनामा संक्रमण भेटिएको हो। पिसिआर विधिबाट ८ हजार ६४ र एन्टीजेन विधिबाट १०९ जना संक्रमित पुष्टि भएका हुन्।

आज देशभर ७ हजार ९८९ जना संक्रमित निको भएका छन् । देशभर ८५४ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।