संक्रमितभन्दा निको हुने धेरै, मृतकको संख्या पनि घट्यो

काठमाडौं । पछिल्लो २४ घन्टामा कोरोना संक्रमितभन्दा निको हुनेको संख्या धेरै छ । त्यस्तै मृतकको संख्या पनि अघिल्लो दिनको तुलनामा घटेको छ ।

स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घन्टामा ६ हजार ९ सय ३९ जना संक्रमित भएका छन् भने ७ हजार २ सय २६ जना संक्रमणमुक्त भएका छन् । त्यस्तै एक सय ६ जनाको मृत्यु भएको छ । बुधबार भने १ सय ४५ जनाको मत्यु भएको थियो ।

पछिल्लो २४ घन्टामा २० हजार ९ सय ९२ जनामा परिक्षण गरिएको थियो ।