सुर्खेत । नेपाल कम्युनिष्ट पार्टी माओवादी कर्णाली प्रदेश संसदीय दलको प्रमुख सचेतकमा सुर्खेतबाट निर्वाचित सांसद ठम्मर विष्ट नियुक्त भएका छन् ।
मुख्यमन्त्री एवम दलका नेता महेन्द्रबहादुर शाहीको नेतृत्वमा बिहीबार बसेको संसदीय दलको वैठकले सांसद विष्टलाई प्रमुख सचेतक नियुक्त गरेको हो ।
सांसद विष्टले नेकपा एकता कायम रहेको समयमा मुख्यमन्त्री शाही विरुद्ध दलको नेतामा यामलाल कंडेललाई बनाउने भन्दै अविश्वासको प्रस्तावमा हस्ताक्षर समेत गरेका थिए ।
नेकपा माओवादी केन्द्रबाट अलग हुन खोजेका सांसद विष्टलाई माओवादीका अध्यक्ष पुष्पकमल दाहालले मन्त्री बनाउने आश्वासन दिएपछि उनी माओवादी केन्द्रमै बसेका थिए ।
