काठमाडाैं । प्रधानमन्त्री केपी शर्मा ओलीले खोप उत्पादक कम्पनीले प्रतिबद्धता अनुसारको खोप उपलब्ध नगराउँदा समस्या भएको बताएका छन् ।
शुक्रबार राष्ट्रको नाममा सम्बोधन गर्दैै प्रधानमन्त्री ओलीले विकासशील देशहका लागि खडा गरिएको कोभ्याक्स एलायन्सको समग्र योजना नै प्रभावित भएको बताएका हुन् ।
नेपालले हालसम्म ३२ लाख २८ हजार अनुदानमा खोप पाएको र १० लाख मात्रा खरिदबाट खोप लगाएको बताउँदै दोश्रो मात्राको कोभिड खोप जसरी पनि गरिनेमा निश्चिन्त हुन प्रधानमन्त्रीकाे आग्रह थियो ।
उनले कोरोनाबाट विकासशील राष्ट्रमाथि बढी मार परेको उल्लेख गर्दै खोप अभावका कारण विकासशील राष्ट्र बढी समस्यामा रहेको बताए ।
उनले भने–‘जी ७ र जी २० अनुसार विकसित देशहरुले विकासशील राष्ट्रहरूमाथि गर्नुपर्ने अन्र्तराष्ट्रिय दायित्व वहन गर्न आवश्यक छ । हामी सबै सबै सुरक्षित नभएसम्म अरु सुरक्षित हुन नसक्ने कुरामा जोड दिन चाहन्छु ।’
