थप २ हजार ४०१ जनामा संक्रमण, ३४ जनाको मृत्यु

काठमाडाैं । पछिल्लो २४ घण्टामा नेपालमा दुई हजार ४०१ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार संक्रमितमध्ये एक हजार ६८८ जना पीसीआर परीक्षणबाट र ७१३ जना एन्टिजेन विधिबाट परीक्षण गर्दा पहिचान भएका हुन् ।

उक्त अवधिमा सात हजार १० जनाको पीसीआर र चार हजार ६८६ जनाको एन्टिजेन गरी कूल ११ हजार ६९६ जनाको कोरोना परीक्षण गरिएको थियो । यससँगै नेपालमा कोरोना संक्रमितको कूल संख्या छ लाख ४५ हजार २०९ पुगेको छ ।

यस्तै थप ३४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । गत २४ घण्टामा ३ हजार ६६० जना कोरोना संक्रमणमुक्त भएका छन् ।