एजेन्सी । १६ औं संस्करणको युरोकप फुटबलमा आज (बुधबार) राति जर्मनीले हंगेरीसँग प्रतिस्पर्धा गर्दैछ ।
जर्मनीले एलिनाज स्टेडियममा पौने १ बजे हंगेरीको सामना गर्नेछ ।
जर्मनी २ खेलमा ३ अंक जोडेर समूहको दोस्रो स्थानमा छ । हंगेरीलाई हराएर जर्मनी अन्तिम १६ को यात्रा तय गर्न चाहन्छ । पहिलो खेलमा फ्रान्ससँग १-० ले पराजित जर्मनीले दोस्रो खेलमा पोर्चुगललाई ४-२ गोल अन्तरले पराजित गरेको थियो ।
हंगेरीविरुद्ध मैदान उत्रदा जर्मनी पोर्चुगलविरुद्धको लयलाई कायम राख्न चाहन्छ ।
