काठमाडौं । नेपालमा थप २ हजार १६ जनामा कोरोना भाइरसको संक्रमण पुष्टि भएको छ ।
गत २४ घण्टाको अवधिमा ४ हजार ७०४ जनाको पीसीआर विधिबाट नमूना परीक्षण गर्दा १ हजार १७४ जनामा संक्रमण पुष्टि भएको हो । त्यस्तै ४ हजार ८०६ जनाको एन्टिजेन परीक्षण गर्दा ८४२ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा देशभर गरी ३० जना कोरोना संक्रमितको मृत्यु भएको छ । यससँगै कोरोना भाइरसको संक्रमणबाट हालसम्म मृत्यु हुनेको संख्या ८ हजार ९७५ पुगेको छ।
त्यस्तै गत २४ घण्टाभित्र नेपालमा थप चार हजार ९१४ जना संक्रमितले कोरोना भाइरसलाई जितेका छन् । यससँगै नेपालमा कोरोना संक्रमित भई निको हुनेको संख्या पाँच लाख ८१ हजार ३२७ पुगेको छ।
