तनहुँ । तनहुँमा एकैदिन चार जना फरार अभियुक्त पक्राउ परेका छन् । विभिन्न मुद्दामा फरार रहेका अभियुक्तलाई प्रहरीले पक्राउ गरेको हो ।
कर्तव्य ज्यान मुद्दामा फरार उत्तम श्रेष्ठ, संजोग गुरुङ र हिमलाल श्रेष्ठ तथा चोरी मुद्दामा मेगसिंह गुरुङलाई पक्राउ गरिएको जिल्ला प्रहरी कार्यालय तनहुँका प्रवक्ता युवराज तिमल्सिनाले बताए । उनीहरुलाई प्रहरीले अदालत पेश गरेकोमा जेल चलान भएका छन् । तनहुँ प्रहरीले फरार अपराधीविरुद्ध बिशेष अभियान नै चलाएको छ ।
