काठमाडौं । नेपालमा शुक्रबार तीन हजार ४२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा १७ हजार ६५४ नमुना परीक्षण गर्दा तीन हजार ४२ जनामा कोरोना पुष्टि भएको हो ।
मन्त्रालयका अनुसार पीसीआरबाट दुई हजार ७९ र एन्टिजेनबाट ९६३ जनामा संक्रमण पुष्टि भएको हो । उक्त अवधिमा १० हजार ५३० जनाको आरटी पीसीआर र ७ हजार १२४ जनाको एन्टिजेन परीक्षण गरिएको थियो ।
पछिल्लो २४ घण्टामा नेपालमा २६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ४५५ पुगेको छ ।
त्यस्तै सोही अवधिमा दुई हजार २४४ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ६ लाख ९३ हजार ५४३ पुगेको मन्त्रालयले जनाएको छ ।
हाल देशभर सक्रिय संक्रमितको संख्या ४० हजार ३०९ रहेको छ।
