काठमाडौं । नक्साल क्षेत्रमा गुन्डागर्दी गर्दै आएका संजय श्रेष्ठ पक्राउ परेका छन् । स्थानीय उर्मिला कुमारी खड्काको जाहेरीमा उनी पक्राउ परेका हुन् ।
खड्काको जग्गा लिजमा लिएर प्रयोग गर्दै आएका श्रेष्ठले धाकधम्की दिएर उनको जग्गा छाड्न मानेका थिएनन् ।
उनीमाथि सार्वजानिक स्थानमा अश्लिल अपशव्द प्रयोग गरी गालीगलौच गरी विभिन्न किसिमका धाकधम्कि दिएको कुटपिट तथा हातपात गर्न खोजि अभद्र व्यवहार गरेकोले श्रेष्ठलाई पक्राउ गरिएको काठमाडौंका एसपी रमेश बस्नेतले बताए । श्रेष्ठलाई पक्राउ गरी अभद्र व्यवहारमा दिन ५ म्याद थप गरि अनुसन्धान भइरहेको उनले बताए ।
श्रेष्ठको पृष्ठभूमि गुण्डागर्दी र जग्गाहरुमा लगानी गर्ने भन्ने वुझिएको हुनाले उनीबाट अन्य कोही पीडित भए सम्पर्क गर्न प्रहरीले आग्रह गरेको छ । विगतमा सार्वजनिक जग्गा मिचेकोमा पनि उनी विवादमा तानिएका थिए ।
