काठमाडौं । नेपालमा सोमबार २ हजार २९५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार २३३ नमुना परीक्षण गर्दा २ हजार २९५ जनामा कोरोना पुष्टि भएको हो ।
मन्त्रालयका अनुसार पीसीआरबाट एक हजार ९०२ र एन्टिजेनबाट ३९३ जनामा संक्रमण पुष्टि भएको हो । उक्त अवधिमा ११ हजार ८९२ जनाको आरटी पीसीआर र ४ हजार ३४१ जनाको एन्टिजेन परीक्षण गरिएको थियो ।
पछिल्लो २४ घण्टामा नेपालमा १६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ७३० पुगेको छ ।
त्यस्तै सोही अवधिमा एक हजार ८०८ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ७ लाख १४ हजार ५२० पुगेको मन्त्रालयले जनाएको छ ।
हाल देशभर सक्रिय संक्रमितको संख्या ३५ हजार ७७४ रहेको छ।
