काठमाडौं । कोरोना भाइरसको नयाँ भेरियन्ट फेरि फेला परेको छ । कोरोना महामारी फैलाउन जिम्मेवार सार्स–कोभ–टू को नयाँ भेरियन्ट फेला परेको हो ।
अन्तर्राष्ट्रिय सञ्चारमाध्यले जनए अनुसार सबैभन्दा पहिले दक्षिण अफ्रिकामा पाइएको यो भेरियन्ट विश्वका अन्य मुलुकहरूमा फैलिएको पाइएको हो । यो भेरियन्ट थप सङ्क्रामक र खोपको असरबाट बच्ने बताइएको हो ।
दक्षिण अफ्रिकाको नेशनल इन्सटीट्यूट फर कम्युनिकेबल डिजज (एनआईसीडी) र क्वाजुलु–नेटाल रिसर्च इनोवेसन एन्ड सिक्वेन्सिङ प्ल्याटफर्म ९केआरआईएसपी० का वैज्ञानिकका अनुसार यो वर्षको मे महिनामा पहिलोपटक सी।१।२ भेरियन्टको बारेमा पत्ता लागेको थियो । १३ अगस्तसम्म यो भेरियन्ट चीन, रिपब्लिक अफ कंगो, मरिसियस, बेलायत, न्यूजिल्याण्ड, पोर्चुगल र स्वीटजरल्याण्डसम्म फैलिसकेको थियो ।
वैज्ञानिकहरुले भाइरसको यो भेरियन्टलाई भेरियन्ट अफ इन्ट्रेस्ट हुनसक्ने बताएका छन् । डब्लूएचओका अनुसार भाइरसको ट्रान्समिसन, गम्भीर लक्षण, इम्युनिटीलाई झुक्याउन सक्ने र डायग्नोसिसबाट बच्ने क्षमता देखाउने भाइरसको भेरियन्टलाई भेरियन्ट अफ इन्ट्रेस्ट श्रेणीमा राखिन्छ । एक अध्ययनमा सी.१.२ पहिले फेला परेको सी।१ भेरियन्टभन्दा निकै म्युटेट भइसकेको छ । दक्षिण अफ्रिकामा कोरोनाभाइरसको पहिलो लहरका लागि सी।१ भेरियन्टलाई जिम्मेवार मानिन्छ ।
अध्ययनकर्ताहरुले म्युटेसनले भाइरसमा बदलाव ल्याएर यसलाई एन्टीबडी र प्रतिरोधात्मक क्षमताबाट बच्न मद्दत गर्ने जनाएको छ । यसमा अल्फा र बीटा भेरियन्टविरुद्ध एन्टीबडी विकास भइसकेका व्यक्तिहरू पनि पर्दछन् । अध्ययनमा दक्षिण अफ्रिकामा हरेक महिना सी.१.२ जिनोमको सङ्ख्यामा लगातार वृद्धि भइरहेको पाइएको जनाइएको छ । मेमा ०.२ प्रतिशत रहेकोमा जुलाईसम्ममा यो सङ्ख्या बढेर २ प्रतिशत भइसकेको थियो । भाइरोलोजिस्टका अनुसार यो म्युटेसन विश्वभर चलिरहेको खोप अभियानका लागि चुनौती बनेको छ । दैनिक भास्करबाट
