काठमाडौं । नेपालमा शनिबार एक हजार २६८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ८७५ नमुना परीक्षण गर्दा एक हजार २६८ जनामा कोरोना पुष्टि भएको हो ।
मन्त्रालयका अनुसार पीसीआरबाट एक हजार २४ र एन्टिजेनबाट २४४ जनामा संक्रमण पुष्टि भएको हो । उक्त अवधिमा ६ हजार ७५३ जनाको आरटी पीसीआर र ३ हजार १२२ जनाको एन्टिजेन परीक्षण गरिएको थियो ।
पछिल्लो २४ घण्टामा नेपालमा ९ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ८१८ पुगेको छ ।
त्यस्तै सोही अवधिमा दुई हजार १९५ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ७ लाख २५ हजार ६५१ पुगेको मन्त्रालयले जनाएको छ ।
