काठमाडौं । नेपालमा पछिल्लो २४ घन्टामा १८९७ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले सार्वजनिक गरेको तथ्याङ्क अनुसार १५ हजार ९७९ जनामा परीक्षण गर्दा एक हजार ८९७ जनामा संक्रमण पुष्टि भएको हो ।
यस्तै सोही अवधिमा एक हजार ७४३ जना संक्रमण मुक्त भएका छन् । योसँगै संक्रमण मुक्त हुनेको कूल संख्या सात लाख २८ हजार ९२८ पुगेको छ । नेपालमा संक्रमण मुक्त हुने दर ९४ दशमलब ६ प्रतिशत रहेको छ ।
यस्तै संक्रमणबाट पछिल्लो २४ घण्टामा २० जनाको मृत्यु भएको छ । योसँगै अहिलेसम्म संक्रमणबाट मृत्यु हुनेको संख्य १० हजार ८५८ पुगेको छ ।
हाल नेपालमा ३० हजार ९७३ जना सक्रिय संक्रमित रहेका छन् । देशभर ५०० भन्दा बढी संक्रमित भएका जिल्ला १९ वटा रहेका छन् ।
हाल ५१२ जनाको सघन उपचार कक्ष (आइसियु), १६३ जना भेन्टिलेटर, २८ हजार ९११ जना होम आइसोलेसन, दुई हजार ६२ जनाको संस्थागत आइसोलेसन र २६० जना क्वारेन्टाइनमा रहेका छन् ।
