काठमाडौँ । जनता समाजवादी पार्टी (जसपा) ले प्रमुख दलहरूबीच सहमति गरेर एमसीसीबारे आवश्यक निर्णय लिने एमसीसी उपाध्यक्ष फातिमा सुमार र सहायक उपाध्यक्ष जोनाथन ब्रुक्ससहितको टोलीलाई जवाफ दिएको छ ।
विहिवार साँझ भएको भेटमा जसपा नेताले टोलीलाई गठवन्धनसँग छलफल गरेर निर्णय गर्ने जवाफ दिएको हो ।
जसपा संघीय परिषद् अध्यक्ष एवं पूर्वप्रधानमन्त्री बाबुराम भट्टराईले ट्वीट गरेर प्रमुख दलहरूबीच सहमति गरेर आवश्यक निर्णय लिने जवाफ दिएको जानकारी दिएका छन् ।
‘नेपाल भ्रमणमा रहेका एमसीसीका उपाध्यक्ष र सहायक उपाध्यक्षसँग उपयोगी छलफल ! प्रमुख दलहरूबीच सहमति गरेर आवश्यक निर्णय गरिने जानकारी !’ भट्टराईले लेखेका छन् ।
छलफलमा जसपा अध्यक्ष उपेन्द्र यादव पनि सहभागी थिए ।
विहिवार नेपाल आएको टोलीले अपराह्न एमाले अध्यक्ष केपी ओली र नेका (एकीकृत समाजवादी)का अध्यक्ष माधव नेपालसँग छलफल गरेको थियो ।
