एमालेको स्थायी कमिटी बैठक बस्दै

काठमाडौं । नेकपा एमालेको स्थायी कमिटी बैठक आज बस्ने भएको छ ।

कार्यालय सचिव शेरबहादुर तामाङले तुल्सीलाल स्मृति प्रतिष्ठानको भवनमा शुक्रबार अपरान्ह ४ बजे स्थायी कमिटी बैठक बस्ने जानकारी दिए ।

एमालेले विधान महाधिवेशनलगायत विषयमा छलफल गर्न बैठक बोलाएको हो । विधान महाधिवेशनका लागि प्रतिनिधि, दस्तावेज तथा व्यवस्थापनको तयारीमा एमाले जुटेको छ ।

यस्तै संसदमा पार्टीका भूमिकाबारे पनि आजको बैठकमा छलफल हुनेछ । एमालेले असोज ४ देखि ६ गतेसम्म विधान महाधिवेशन गर्ने तयारी गरेको छ । विधान महाधिवेशन काठमाडौंमा हुनेछ ।