काठमाडौं । सङ्खुवासभाको मादी नगरपालिका–१ स्थित उम्लिङमा ६ जनाको सामूहिक हत्या भएको घटना अन्तै मोडिएको छ । प्रहरीले यसअघि पक्राउ गरिएका २५ वर्षीय लोकबहादुर कार्कीका भाइलाई समेत पक्राउ गरी अनुसन्धान थालेको छ ।
पक्राउपछि लोकबहादुरले हत्या आफूले नै गरेको स्वीकार गरेका कारण घटनामा उनको मात्र संलग्नता हेको भनिएता पनि प्रहरीले अनुसन्धान यथावत राखेको छ । यसै क्रममा लोकबहादुरका भाइ नरेश कार्की पक्राउ परेका हुन् । नरेशसँग सोधपुछ जारी रहेको र सोधपुछका क्रममा नयाँ तथ्य खुलेको प्रहरीले जानकारी दिएको छ ।
हत्या गरिएकी बुहारी रञ्जना कार्कीको मोबाइल अनुसन्धानमाको क्रममा नरेशको साथ फेला परेको थियो । त्यसपछि उनी पक्राउ परेका हुन् ।
भदौ २१ मा उम्लिङका ५५ वर्षीय तेजबहादुर कार्की, आमा पार्वती कार्की, श्रीमती कमला, बुहारी ३२ वर्षीया रञ्जना कार्की, ८ वर्षका विपिन कार्की र पाँच वर्षीया गोमा कार्कीको हत्या भएको थियो ।
सामूहिक हत्या भ्एको ५ दिनपछि लोकबहादुरलाई पक्राउ गरी प्रहरीले सार्वजनिक गरेको थियो ।
