कपनको ढलमा बेपत्ता बालकको शव ललितपुरमा भेटियो

काठमाडौं । कपनमा ढलमा खसेर बेपत्ता रहेका १० वर्षीय उज्ज्वल विकको शव फेला परेको छ ।

ललितपुरको महाँकाल गाउँपालिकास्थित बागमती नदी किनारमा उनको शव फेला परेको प्रहरीले जनाएको छ । गत मंगलबार उज्ज्वल कपनस्थित ढलमा खसेर बेपत्ता भएका थिए ।

ढलमा खसेर बेपत्ता भएको ५ दिनपछि शव फेला परेको हो । महानगरीय प्रहरी परिसर ललितपुरकी एसएसपी किरण बज्राचार्यका अनुसार स्थानीयले शव देखेपछि प्रहरीलाई खबर गरेका थिए ।