काठमाडौं । स्टक एक्सचेन्जमा सूचीकृत १६५ कम्पनीहरूमध्ये प्रमुख १० कम्पनीहरूको मूल्य सूचकांकले बजरमा निर्णायक भूमिका खेल्ने गरेको छ । तिनै १० कम्पनीहरूका कारोबार मूल्यले नेप्से परिसूचक करिब ८० प्रतिशतसम्म प्रभावित हने गरेको छ ।
अन्य कम्पनीहरूको सेयर मूल्यमा कुनै घटबढ हुँदासमेत ती कम्पनीहरूको सेयर मूल्य घट्दा नेप्से स्वात्तै घट्ने गरेको छ र अलिकति मूल्य बढ्दा नेप्से परिसूचक पनि उल्लेख्य वृद्धि हुने गरेको देखिन्छ । यसरी बजारलाई आफ्नो वशमा राख्ने कम्पनीहरूमा नेपाल टेलिकम
अग्रस्थानमा छ ।
त्यसबाहेक अन्य सबै क वर्गका वाणिज्य बैंकहरू रहेका छन् जसमा स्टान्डर्ड चार्टर्ड, नबिल बैंक, अफ काठमाण्डू, एभरेस्ट, हिमालयन, इन्भेस्टमेन्ट, लक्ष्मी एसबीआई र एनआइसी रहेका छन् ।
गत बिहीवारको मूल्यअनुसार स्टक एक्सचेन्जमा सूचीकृत कम्पनीहरूको बजार पुँजीकरण रू. ३ खर्ब ४३ अर्ब छ जसमा नेपाल टेलिकम एक्लैको हिस्सा करिब रू. ६० अर्ब अर्थात् करिब १४.२ प्रतिशत छ । १५ करोड कित्ता सेयर सूचीकृत रहेको टेलिकमको सेयर मूल्यमा रू. १० ले घट्दा समग्र नेप्से परिसूचक १ अंकले तल झर्छ ।
करिब डेढ वर्ष अगाडि १४८१ रुपैयाँसम्म पुगेको नेपाल टेलिकमको सेयर मूल्य अहिले घटेर ४ सय ६ रुपैयाँ छ । अर्थात् करिब डेढ वर्षको बीचमा १०७५ रुपैयाँले टेलिकमको सेयर मूल्य घटेको छ । बजार पूजी करणमा उसले ओगटेको हिस्साको आधारमा त्यसले नेप्से परिसूचक करिब १०७ अंकले घटाएको छ ।, यो समाचार आर्थिक अभियान दैनिकबाट साभार गरिएको हो ।
