काठमाडौं । केही दिन अघिमात्र लोकतान्त्रिक समाजवादी पार्टी छोडेका नेपाल आदिवासी जनजाति महासंघका पूर्वअध्यक्ष राजकुमार लेखी एमालेमा प्रवेश गरेका छन् ।
ललितपुरको गोदावरीस्थित सनराईज सम्मेलन केन्द्रमा जारी एमालेको विधान महाधिवेशनकै बीचमा आइतबार लेखी एमालेमा प्रवेश गरेका हुन् । उनलाई अध्यक्ष ओलीले टीका लगाएर एमाले प्रवेश गराएका हुन् । आइतबार लेखीसहित ५५ जनाको समूह एमाले प्रवेश गरेको छ ।
