९६८ संक्रमित थपिए, ६ जनाको मृत्यु

काठमाडौं । मंगलबार देशभर ९६८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार ४२ नमुना परीक्षण गर्दा ९६८ जनामा कोरोना पुष्टि भएको हो ।

मन्त्रालयका अनुसार पीसीआरबाट ७६२ र एन्टिजेनबाट २०६ जनामा संक्रमण पुष्टि छ । उक्त अवधिमा ११ हजार ५८२ जनाको पीसीआर र ४ हजार ४६० जनाको एन्टिजेन परीक्षण गरिएको थियो ।

त्यस्तै गएको २४ घण्टामा ६ जनाकोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार १८० पुगेको छ ।

त्यसैगरी सोही अवधिमा एक हजार ११४ जना संक्रमणमुक्त भएका छन् । योसँगै कोरोना संक्रमणबाट मुक्त हुनेको संख्या ७ लाख ७१ हजार ३३८ पुगेको स्वास्थ्य मन्त्रालयले जनाएको छ ।

हाल देशभर १६ हजार २४८ जना सक्रिय संक्रमित रहेको स्वास्थ्य मन्त्रालयले जनाएको छ ।