एक हजार ४३ संक्रमित थपिए, १२ जनाको मृत्यु

काठमाडौं । बुधबार देशभर एक हजार ४३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १५ हजार ४६५ नमुना परीक्षण गर्दा एक हजार ४३ जनामा कोरोना पुष्टि भएको हो ।

मन्त्रालयका अनुसार पीसीआरबाट ८४९ र एन्टिजेनबाट १९४ जनामा संक्रमण पुष्टि छ । उक्त अवधिमा ११ हजार १६५ जनाको पीसीआर र ४ हजार ३ सय जनाको एन्टिजेन परीक्षण गरिएको थियो ।

त्यस्तै गएको २४ घण्टामा १२ जनाकोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ११ हजार १९२ पुगेको छ ।

त्यसैगरी सोही अवधिमा ८९१ जना संक्रमणमुक्त भएका छन् । योसँगै कोरोना संक्रमणबाट मुक्त हुनेको संख्या ७ लाख ७२ हजार २२९ पुगेको स्वास्थ्य मन्त्रालयले जनाएको छ ।

हाल देशभर १६ हजार १९४ जना सक्रिय संक्रमित रहेको स्वास्थ्य मन्त्रालयले जनाएको छ ।