बाँके । जिल्ला ट्राफिक प्रहरी कार्यालय बाँकेका इन्सपेक्टर राजु भण्डारीको सरुवा भएको छ । गत साता उनले राजनीतिक पावर लगाएर आफ्नो सरुवा केही दिन रोक्न सफल भएका थिए । अन्ततः प्रहरी प्रधान कार्यालयले उनलाई हटाएको छ । उनको स्थानमा इन्पेक्टर ऐनबहादुर मल्ललाई पठाइएको छ ।
जिल्लामा संगठित रुपमा भ्रष्टाचार गरेको भेटिएपछि प्रहरी मुख्यालयले पहिले नै उनलाई हटाउने प्रयास गरेको थियो । मातहतका ट्राफिक इन्चार्जसँग उनले मासिक असुली गर्दै आएका थिए । कांग्रेस नेताहरुमार्फत उनले सरुवा रोकाएका थिए । हाल सरुवा भएका मल्ल पनि नेताकै सिफारिसमा बाँके आएका हुन् । उनी पनि पृष्ठभुमी राम्रो नभएको प्रहरी अधिकारीहरु बताउँछन् ।
