काठमाडौं । नेकपा माओवादी केन्द्रबाट सरकारमा थप मन्त्री तीन मन्त्री र एक राज्यमन्त्री बन्दैछन् ।
माओवादीबाट देवेन्द्र पौडेल, शशी श्रेष्ठ र महेश्वर गहतराज मन्त्री र बोधमाया यादव राज्यमन्त्री बन्दैछन् । माओवादीले बुधबार नै मन्त्रीहरुको नाम टुंगो लगाएको थियो, तर मन्त्रालय टुंगिएको थिएन ।
पौडेल शिक्षा विज्ञान तथा प्रविधि मन्त्री बन्ने भएका छन् भने बोधमाया यादव राज्यमन्त्री बन्दैछिन् । त्यस्तै, श्रेष्ठ भूमि व्यवस्था सहकारी तथा गरिबी निवारणमन्त्री बन्दैछन् । गहतराज भने युवा तथा खेलकुदमन्त्री हुने भएका छन् ।
माओवादीले पाँच मन्त्री र एक राज्यमन्त्री पाएको छ । देउवाले प्रधानमन्त्रीबाट सपथ लिएकै दिन जनार्दन शर्मा अर्थ र पम्फा भुसाल ऊर्जामन्त्री बनेका थिए ।
