बाढीपहिरो अपडेट : ९२ जनाको मृत्यु, ४२ बेपत्ता

काठमाडौं । लगातारको वर्षाका कारण गएको बाढी र पहिरोमा परेर मृत्यु हुनेको संख्या ९२ पुगेको छ ।

असोज ३१ आइतबार देखि शुरु भएको वर्षाका कारण ९२ जनाको मृत्यु भएको प्रहरी प्रधान कार्यालयको तथ्यांकमा छ ।
प्रहरी प्रधान कार्यालयको पछिल्लो तथ्यांकअनुसार प्रदेश–१ मा ५३ जना र सुदूरपश्चिम प्रदेशमा ३० जनाको मृत्यु पुष्टि भएको छ । बिहीबारसम्ममा देशभर बाढी र पहिरोका कारण ४२ जना बेपत्ता भएका छन् ।