काठमाडौं । प्रधानमन्त्री शेरबहादुर देउवा किनमेलका लागि कमलपोखरीस्थित सिटी सेन्टर पुगेका छन् । उनी बिहीबार केही सुरक्षा गार्डलाई लिएर किनमेल गर्न सिटी सेन्टर पुगेका हुन् ।
बेलायत जानु एक दिनअघि सपिङमा निस्किए प्रधानमन्त्री देउवाले के के खरिद गरे, त्यो बताइएको छैन । प्रधानमन्त्री देउवाका सचिवालयले पनि प्रधानमन्त्री के खरिद गरे ? भन्ने खुलाएको छैन ।
प्रधानमन्त्री देउवा शुक्रबार नोभेम्बर १ र २ मा संयुक्त अधिराज्यको ग्लास्गोमा हुने संयुक्त राष्ट्रसंघीय संरचना महासन्धि (कोप–२६) को पक्षको २६औँ सम्मेलनको वल्ड लिडर समिटका सहभागी हुने बेलायत जाँदैछन् ।
भ्रमणका क्रममा प्रधानमन्त्री देउवाले अक्टोबर ३० मा नेपालका लागि सर्वदलीय संसदीय समूह (एपीपीजी–एन) र बेलायत–नेपाल व्यापार तथा लगानी मञ्चले लण्डनमा आयोजना गर्न लागेको स्वागत कार्यक्रममा सहभागी भई सम्बोधन गर्नेछन् ।
