कार्यवाहक सभापतिको जिम्मेवारी निधिलाई

काठमाडौं । नेपाली कांग्रेसका उपसभापति विमलेन्द्र निधिले कार्यवाहक सभापतिको जिम्मेवारी पाएका छन् ।

शुक्रबार एक साताका लागि बेलायत प्रस्थान गरेका प्रधानमन्त्री तथा सभापति शेरबहादुर देउवाले निधिलाई कार्यवाहक सभापति तोकेका हुन् । कांग्रेस मुख्यसचिव कृष्णप्रसाद पौडेलले निधिलाई कार्यवाहक जिम्मेवारी दिएको जानकारी दिए ।

सभापति देशबाहिर जाँदा पार्टी उपसभापतिलाई कार्यवाहक दिने पार्टी विधानमा व्यवस्था छ । प्रधानमन्त्री देउवाले कार्यवाहक प्रधानमन्त्रीको जिम्मेवारी भने गृहमन्त्री बालकृष्ण खाँडलाई दिएका छन् ।